fbpx
Почетна ВЕСТИ Аналитика, моќта на информациите

Аналитика, моќта на информациите

Идентитет – Која е „Аналитика“?

Идејата за „Аналитика“ се роди од потребата за магазин кој ќе ја дава реалната слика за македонскиот бизнис. Приказната што „Аналитика“ ќе ја раскажува ќе содржи ексклузивни елементи, податоци кои ќе зборуваат за тоа како се развива и како се одржува македонскиот бизнис, а ќе нуди и насоки за тоа како тој да биде подобар во иднина.

Токму затоа, „Аналитика“ ќе има мисија да генерира уникатна содржина која ќе биде базирана врз квалитетни, прецизни и полезни информации преку кои ќе влијае врз креирањето на ефикасно и високопродуктивно општество.

Така, „Аналитика“ ќе ја оствари својата визија со што ќе прерасне во реномиран бренд кој ќе биде симбол за квалитет и кој ќе го поттикнува економскиот развој преку медиумска, корпоративна и едукативна промоција.

Проблеми во општеството

Недоволно достапни информации за компаниите, немање насоки во однос на тоа што е потребно за да се роди една компанија, да опстои и да успее.

Какво решение ќе понуди „Аналитика“?

„Аналитика“ ќе биде пријател на приватните компании, како и на државните институции со тоа што првично ќе ги информира за бизнис-настаните во Република Македонија, а потоа ќе има за цел да прави општо добро, односно ќе има за цел да ја подобрува економијата во државата.

Кој ќе и помогне на „Аналитика“?

„Аналитика Медиум“ склучи партнерства со веќе искусни компании во делот на анализите, деловните информации и истражувањата. Поконкретно со Таргет Груп ДОО од Скопје и Инсајдер ИД ДООЕЛ од Скопје. Исто така, во својот тим „Аналитика“ има експерти од секоја област кои со една иста мисија ќе ја водат приказната на „Аналитика“ до остварување на своите цели и остварување на визијата на магазинот.

Која е нашата предност?

Предноста на „Аналитика“ е искуството на нејзините партнери, нивните ексклузивни и уникатни информации кои би сакале да бидат достапни за граѓаните преку содржините на магазинот. „Аналитика“ нема да објавува политички текстови, иако сме свесни за тоа дека бизнисот и политиката се тесно поврзани.

„Аналитика“ ќе стави акцент на успехот, на напредокот, на анализите, на бизнис-компарациите со компаниите од поразвиените земји, на младите и нивното насочување во светот на бизнисот, на амбициозните и колку тие можат да создадат за себе и за нашето македонско општество.

Таргет група

Таргет на „Аналитика“ ќе бидат сите читатели, особено оние кои се интересираат за бизнисот во Македонија, без оглед на тоа дали се сопственици или менаџери на приватни компании или, пак, се вработени во државните институции во земјата. Исто така, тимот на „Аналитика“ ќе се труди да ги привлече и оние кои сѐ уште не учествуваат активно во бизнис-секторот, но се негова иднина. Затоа, „Аналитика“ ќе информира и ќе едуцира, а тоа се однесува особено на младите. „Аналитика“ ќе им посочува литература која ќе им даде шанса за напредок. Ќе им понуди простор за објавување на нивните научни трудови. Нашата цел е „Аналитика“ да биде извор на квалитетни информации за сите, без оглед дали се студенти, сопственици, вработени или невработени.

Како „Аналитика“ ќе им се обраќа на своите читатели?

Во векот во којшто живееме, за жал или за среќа, интернетот речиси целосно го окупира нашето слободно време и внимание. Читателите најчесто се зад своите компјутери, таблети или телефони. Затоа нашите анализи покажаа дека „Аналитика“ првенствено треба да биде електронски магазин, поткрепен со можностите што ги нудат социјалните мрежи. Доколку се роди потреба „Аналитика“ да прерасне и во печатен медиум, ние со задоволство ќе понудиме едно креативно и квалитетно решение – „Аналитика“ да биде и физички достапна во секој дом и во секоја канцеларија.

Одговорен уредник, Теодора Клинчарова Стојевска.

©Analitika.mk Доколку преземете содржина од оваа страница, во целост сте се согласиле со нејзините Услови за користење.

ПРЕПОРАЧАНИ

Обраќање до бизнис заедницата

©Analitika.mk Доколку преземете содржина од оваа страница, во целост сте се согласиле со нејзините Услови за користење.

Преработувачка индустрија – колку пари се вложуваат во материјални средства?

Според податоците на „Таргет Груп“ јасно е дека најголем процент од големите фирми од преработувачката индустрија се во странска сопственост или се менаџирани од...

Колкави плати исплаќаат фирмите од преработувачката индустрија?

Компании кои имаа најголем број на вработени, котираат високо и според трошоците за вработените, но тоа не значи дека се вбројуваат и во групата...

Кои се водечките бугарски компании во Македонија ?

Најголем годишен раст на добивката прикажале компании од автомобилскиот сектор, финансиите и дејноста со трговија и услуги. Најголем приход пак прикажала компанија...

Колкав е бројот на компании во Скопје чија главна дејност е програмирање?

Во 2019 главниот град се основале 115 компании за програмиање,а згаснале 31 со што бројот на деловно активни компании чија главна...

УЈП поништила решенија „тешки“ 7 милиони евра затоа што паднале на Управен суд

Намерно, од незнаење но и поради грешки, македонските стопанственици сакале да „скријат“ речиси 43 милиони евра данок , покажуваат податоците на Управата...

Скопје рекордер по дивоградби – регистрирани 226, Липково има 68 од кои 63 се објекти за домување

Куќи, деловни објекти, доградби, надградби но и цели згради во земјава се дивоградби - се граделе без одобрение. Институциите калкулираат дека...

Германските фирми во земјава прават бизнис од половина милијарда евра

Во земјава има 322 компании со германски капитал. Нивниот бизнис лани вреди половина милијарда евра, направиле профит од 21,8 милиони евра а...

Кои државни и приватни фирми во Скопје вработуваат најмногу?

Јавните претпријатија и акционерските друштва во државна сопственост се најголеми работодавачи на територија на град Скопје. Ова го покажува анализата на...

Кои се македонските „газели“ – во земјава има 284 брзорастечки компании

Овие брзорастечки компании таканаречени “газели“ коишто ги зголемиле приходите од работењето по најмалку 20% последните три години, лани инкасирале вкупно 1,65...
error: Content is protected !!