fbpx
Почетна АНАЛИЗИ Македонците лани купиле недвижности вредни 600 милиони евра

Македонците лани купиле недвижности вредни 600 милиони евра

Македонските граѓани за дванаесет месеци лани си купиле недвижности со вкупна вредност од речиси 600 милиони евра, покажуваат податоците на Агенцијата за катастар на недвижности. Од нив највредни биле становите за кои потрошиле повеќе од половина од парите или речиси 317 милиони евра. Најголемите трансакции паднеле предновогодишно, или во последните три месеци од годината, од октомври до крај на декември кога граѓаните купиле недвижности тешки над 200 милиони евра. Последните податоци на Агенцијата за катастар за четвртиот квартал покажуваат дека граѓаните тогаш купиле 140.264 метри квадратни во станови за кои платиле нешто повеќе од 100,8 милиони евра. За куќи потрошиле 19,5 милиони евра. Нешто над 39 милиони евра чинеле деловните простории кои ги купиле во последниот квартал лани, а со останатите пари Македонците се „подновиле“ и со индустриски објекти, земјоделско и градежо земјиште и други недвижности.

Во овој период се продадени недвижности со површина од неверојатни 6.585.458 метри квадратни. Но најголема квадратура отпаѓа на земјоделско земјиште 4.446.287 метри квадратни.

Како „алва“ се купувале становите во Карпош

Податоците на Агенцијата за катастар на недижности покажуваат дека во четвртиот квартал лани најголем број продадени станови има во скопските општини. Така во општина Карпош биле продадени вкупно 368 станови, следува Аеродром со 249, па Центар со 212 и Кисела Вода со 158 продадени станови. Интересно е дека Охрид има продадени станови помалку и од Кисела Вода, односно 137, а е највисоко на листата од другите градови во земјава по продажбата на станови.

Најголем број пак продадени продадени куќи има на територијата на општина Велес, односно во овој период се продадени 28 куќи. Додека пак најмногу продажби на деловен простор имало на територијата на општина Центар каде што се продадени 42 деловни простори. Најмногу недвижности од типот на земјоделското земјиште се продадени во општината Струмица со 60 продажби, додека најмногу продадено градежно земјиште е регистрирано во општина Прилеп со 48 продажби. Во овој квартал се регистрирани и продажби на 29 индустриски објекти и тоа во поголем број на општини.

Најдолу пак на листата се општините Пласница, Лозово, Конче, Зрновци и Вевчани со по една продажба и тоа во првите четири општини земјоделско земјиште, а во Вевчани градежно земјиште.

 

Најскап бил квадрат стан во скопските општини – двојно поскап од Штип

Од октомври до крај на декември лани најскапо се продавал квадрат стан во скопските општини. Така најскап квадрат имало во општина Карпош, или за метар квадратен станбена површина граѓаните плаќале по 61.005 денари или податоците покажуваат дека цената на метар квадратен во Карпош за еден квартал пораснала за над 10 евра бидејќи во третиот квартал изнесувала 60.398 денари.

Втора општина по продажба е Центар каде исто становите се продале по повисока цена за метар квадратен. Така во четвртиот квартал во Центар становите се продавале по 60.121денар за метар квадратен, а претходниот квартал за просечни 59.855 денари за метар квадратен.

Трет најскап квадрат има Аеродром каде цената за еден кварттал рипнала за неверојатни 2.000 денари по квадрат. Така во последниот квартал лани метар квадратен во Аеродром се продавал по 52.732 денари, а претходното тримесечје за 50.739 денари.

Овие цени за метар квадратен во скопските општини се двојно повисоки од тие во другите градови во земјава. Освен Охрид кој по цените се приближува накај скопските општини другите градови имаат двојно пониски цени од скопските општини. Така метар квадратен станбена површина во Куманово се купувала по 29.546 денари за метар квадратен.

Новинар Ф.А

Графичка обработка:  Виктор Ѓуровски

©Analitika.mk Доколку преземете содржина од оваа страница, во целост сте се согласиле со нејзините Услови за користење.

ПРЕПОРАЧАНИ

Обраќање до бизнис заедницата

©Analitika.mk Доколку преземете содржина од оваа страница, во целост сте се согласиле со нејзините Услови за користење.

Преработувачка индустрија – колку пари се вложуваат во материјални средства?

Според податоците на „Таргет Груп“ јасно е дека најголем процент од големите фирми од преработувачката индустрија се во странска сопственост или се менаџирани од...

Колкави плати исплаќаат фирмите од преработувачката индустрија?

Компании кои имаа најголем број на вработени, котираат високо и според трошоците за вработените, но тоа не значи дека се вбројуваат и во групата...

Кои се водечките бугарски компании во Македонија ?

Најголем годишен раст на добивката прикажале компании од автомобилскиот сектор, финансиите и дејноста со трговија и услуги. Најголем приход пак прикажала компанија...

Колкав е бројот на компании во Скопје чија главна дејност е програмирање?

Во 2019 главниот град се основале 115 компании за програмиање,а згаснале 31 со што бројот на деловно активни компании чија главна...

УЈП поништила решенија „тешки“ 7 милиони евра затоа што паднале на Управен суд

Намерно, од незнаење но и поради грешки, македонските стопанственици сакале да „скријат“ речиси 43 милиони евра данок , покажуваат податоците на Управата...

Скопје рекордер по дивоградби – регистрирани 226, Липково има 68 од кои 63 се објекти за домување

Куќи, деловни објекти, доградби, надградби но и цели згради во земјава се дивоградби - се граделе без одобрение. Институциите калкулираат дека...

Германските фирми во земјава прават бизнис од половина милијарда евра

Во земјава има 322 компании со германски капитал. Нивниот бизнис лани вреди половина милијарда евра, направиле профит од 21,8 милиони евра а...

Кои државни и приватни фирми во Скопје вработуваат најмногу?

Јавните претпријатија и акционерските друштва во државна сопственост се најголеми работодавачи на територија на град Скопје. Ова го покажува анализата на...

Кои се македонските „газели“ – во земјава има 284 брзорастечки компании

Овие брзорастечки компании таканаречени “газели“ коишто ги зголемиле приходите од работењето по најмалку 20% последните три години, лани инкасирале вкупно 1,65...
error: Content is protected !!