fbpx
Почетна ВЕСТИ Непријателскиот став на Трамп кон дигиталниот данок би можел да ја обедини...

Непријателскиот став на Трамп кон дигиталниот данок би можел да ја обедини Европа во негово спроведување

Оданочувањето на технолошките гиганти веќе долго време ги дели ставовите на светските политичари, но несогласувањата со американскиот претседател Доналд Трамп би можеле да ја предизвикаат Европа да ги засили даноците врз компаниите како Гугл и Фејсбук.

Франција, Австрија и Италија се помеѓу европските земји што имаат наметнато даноци на технолошки компании на национално ниво, но земјите членки на Европската унија неможат да се согласат за заедничка такса.

Унијата не успеа да постигне консензус во март 2019 година, кога четири земји членки ставија вето на договорот за заеднички данок. Тогаш Ирска, Шведска, Данска и Финска се изјасниа дека треба да има поширока дебата со земји кои се надвор од Европа на темата дигитален данок, пред ЕУ да го имплементира овој данок.

Сепак, критиките од Соединетите држави би можеле да ги натераат европските земји да создадат дигитален данок ширум ЕУ, изјави Пол Танг, холандски пратеник во Европскиот парламент.

„Трамп најверојатно ќе ја обедини Европа на оваа тема“, рече Танг. „Ние веќе сме во ситуација кога трансатлантскиот однос е нестабилен“.

По пристигнувањето на Трамп во Овалната канцеларија ЕУ и Соединетите држави имаа спротиставени ставови околу трговијата, одбраната, надворешната политика и на многу други теми.

„Оданочувањето нема да ја олесни оваа ситуација“, додаде Танг пратеник во Европскиот парламент, посочувајќи дека ЕУ нема многу да изгуби со спроведувањето на дигиталниот данок, дури и ако Трамп се спротивстави на тоа, со оглед на моменталниот однос помеѓу двете страни.

Неодамна, Трамп ги нападна европските влади кои сакаа да наметнат повисоки давачки на технолошките гиганти. Исто така, Трамп во 2019 година изјави дека дигиталниот данок на Франција е глупав и „големите американски технолошки компании“ треба да се оданочуваат во нивната земја.

Трамп започна трговски спор со Франција и вети дека ќе го стори истото со другите европски земји, доколку тие ги оданочат повеќе американските технолошки фирми. Трговскиот спор е ставен во мирување додека се одвива меѓународната дебата за дигиталниот данок во ОЕЦД (Организација за економска соработка и развој).

„Во Европа има зголемена свест дека треба самостојно да дејствуваме, а Трамп само помага во целиот процес за самодејствување“, рече Танг. „Ова не е само во областа на трговијата и оданочувањето, ова е многу поголемо од тоа“.

Ако нема договор во ОЕЦД до крајот на годината, технолошките гиганти ќе мораат да плаќаат повисоки давачки во некои европски земји, вклучително и во Франција, Обединетото Кралство и Италија. Во меѓувреме, Европската комисија – извршната рака на ЕУ изјави дека ќе се обиде да создаде заеднички дигитален данок на ниво на цела ЕУ доколку не се склучи договор во ОЕЦД.

Џереми Гез, професор во Х.Е.Ц Париз објасни – дигиталниот данок е добар начин за да се направи пазарот поправичен меѓу технолошките гиганти и потрадиционалните и помалите бизниси.

“Дигиталниот данок е начин за да се поправи економската ситуација, бидејќи во спротивно ќе се појави двобрзинска економија која само ќе им помогне на технолошките гиганти за поголема моќ и доминација а традиционалните бизниси ќе бидат носителите на сите досегашни даноци.”-додаде Џереми.

И покрај жестокото спротивставување на Трамп, Гез додаде дека САД може во иднина да го променат својот пристап кон дигиталното оданочување.

Голем дел од граѓаните на САД ќе го разберат овој став, што всушност значи дека мора да се ревидира ставот за да им се помогне на традиционалните бизниси подобро да се адаптираат, а не да се дава целосна моќ на една индустрија над другите.


Извор: CNBC

©Analitika.mk Доколку преземете содржина од оваа страница, во целост сте се согласиле со нејзините Услови за користење.

ПРЕПОРАЧАНИ

Обраќање до бизнис заедницата

©Analitika.mk Доколку преземете содржина од оваа страница, во целост сте се согласиле со нејзините Услови за користење.

Преработувачка индустрија – колку пари се вложуваат во материјални средства?

Според податоците на „Таргет Груп“ јасно е дека најголем процент од големите фирми од преработувачката индустрија се во странска сопственост или се менаџирани од...

Колкави плати исплаќаат фирмите од преработувачката индустрија?

Компании кои имаа најголем број на вработени, котираат високо и според трошоците за вработените, но тоа не значи дека се вбројуваат и во групата...

Кои се водечките бугарски компании во Македонија ?

Најголем годишен раст на добивката прикажале компании од автомобилскиот сектор, финансиите и дејноста со трговија и услуги. Најголем приход пак прикажала компанија...

Колкав е бројот на компании во Скопје чија главна дејност е програмирање?

Во 2019 главниот град се основале 115 компании за програмиање,а згаснале 31 со што бројот на деловно активни компании чија главна...

УЈП поништила решенија „тешки“ 7 милиони евра затоа што паднале на Управен суд

Намерно, од незнаење но и поради грешки, македонските стопанственици сакале да „скријат“ речиси 43 милиони евра данок , покажуваат податоците на Управата...

Скопје рекордер по дивоградби – регистрирани 226, Липково има 68 од кои 63 се објекти за домување

Куќи, деловни објекти, доградби, надградби но и цели згради во земјава се дивоградби - се граделе без одобрение. Институциите калкулираат дека...

Германските фирми во земјава прават бизнис од половина милијарда евра

Во земјава има 322 компании со германски капитал. Нивниот бизнис лани вреди половина милијарда евра, направиле профит од 21,8 милиони евра а...

Кои државни и приватни фирми во Скопје вработуваат најмногу?

Јавните претпријатија и акционерските друштва во државна сопственост се најголеми работодавачи на територија на град Скопје. Ова го покажува анализата на...

Кои се македонските „газели“ – во земјава има 284 брзорастечки компании

Овие брзорастечки компании таканаречени “газели“ коишто ги зголемиле приходите од работењето по најмалку 20% последните три години, лани инкасирале вкупно 1,65...
error: Content is protected !!